Жаңалықтарды Telegram арнамыздан оқыңыз!Президент Қасым-Жомарт Тоқаев Қатар экономикалық форумының арнайы панельдік сессиясына қатысты.
Сұрақ-жауап форматында өткен ашық талқылау барысында ол халықаралық саясаттағы сын-қатерлер, оның ішінде Ресей-Украина қақтығысын бейбіт жолмен шешу жайына қатысты сұрақтарға жауап берді. Келіссөздерді жалғастыра берудің маңыздылығын және бұл қақтығысты шешуге тараптардың ерік-жігері қажет екенін де айрықша атап өтті. Сонымен қатар Мемлекет басшысы халықаралық қауымдастықтағы пікір қайшылығы мен осы мәселені шешуде БҰҰ Қауіпсіздік Кеңесінің қауқарсыздық танытып отырғанына тоқталды.
Қасым-Жомарт Тоқаев Қазақстан Республикасының Президенті:
БҰҰ ешқашан мұндай ыңғайсыз жағдайға тап болған емес. Тіпті «Қырғи-қабақ соғыс» кезінде де Біріккен Ұлттар Ұйымының бірлігі бұдан әлдеқайда мығым еді. Мен БҰҰ-ның болашағына қатты алаңдаймын. Осы ретте көпқырлы саясатқа сенемін. Бұл ретте мен халықаралық қауымдастықтың бірлік танытып, ынтымақтаса отырып, екі мемлекеттің бейбіт бітімге келуі үшін оң ықпал етуі керек деп санаймын.
