Ақмола облысында екі бала суға кетті

Ақмола облысында 6 және 9 жастағы екі бала суға батып кетті.

Қайғылы оқиға Первомайка ауылы маңында, Есіл өзенінде болған. Суға шомылуға барған үш баланың жанында ересектер болмапты. Көмекке шақырған – сол үшіншісі. Ұлдардың әкесі жұмыста, ал анасы үйде болған. Екі жеткіншектің денесін жергілікті тұрғындар мен сүңгуірлер алып шықты.

Қайрат Қасым, Ақмола облыстық төтенше жағдайлар департаменті бастығының орынбасары:
6 жасар баланың денесін көп ұзамай жергілікті тұрғындар алып шыққан. Оны өзен ағыны 300 метр қашықтыққа алып кеткен. Ал екінші баланы 3 метр тереңдікте сүңгуірлер тобы тапты.

Аймақта бір күн бұрын 12 жастағы қыз бала суға кеткен еді.