Жаңалықтарды Telegram арнамыздан оқыңыз!Үкімет басшысы Әлихан Смайылов шетелдік инвесторлармен жаңа жобаларды іске асыру мәселесін талқылады. Еуропалық қайта құру және даму банкі елімізде экономиканы декарбонизациялау және әртараптандыру, сондай ақ банк секторы мен көлік-логистика саласында екі жақты ынтымақты дамыта бермек. 30 жылда қаржы, инфрақұрылым, шағын және орта бизнес, агроөнеркәсіп және цифрландыру саласында 300-ге жуық жобаны жүзеге асырған. Олардың жалпы құны 11 млрд АҚШ долларынан асады. Соңғы кезде банк жасыл технологиялар мен жаңартылатын энергия көздерін дамытуға инвестицияны көбейтті. Әлихан Смайылов жаңа жобаларды жүзеге асыру жолдарын Glencore және Philip Morris International компаниясының басшыларымен де талқылады.
Берік Көшербай
