Мәулен Әшімбаев: Сенат сапалы заң шығаруда белсенді болуы тиіс

«Сенат депутаттарына сенемін». Мәулен Әшімбаев енді Конституцияға енгізілген түзетулерге сәйкес сапалы заң шығаруымыз керек деді. «Жаңа Қазақстан» құру жолында аянып қалмауға шақырды.

 Нысаналы Ығыл, тілші:
Сенат отырысы елде өткен референдум нәтижесінен басталды. Мәулен Әшімбаев азаматтар үлкен өзгерістерге дайын екенін көрдік дейді. Ендігі сын Сенатта. Халықтың қалауын іске асыру керек. Елді жаңғырту референдуммен шектелмейді. Конституциялық реформа бүкіл құқық саласын жаңғыртуға жол ашады. Осы ретте депутаттардың міндеті әрі мақсаты демократиялық, құқықтық, әділетті және әлеуметтік мемлекет қалыптастыру. Осы жолда Сенат депутаттары белсенділік танытарына сенемін деп түйіндеді сөзін Мәулен Әшімбаев. Халықтың да күтетіні сапалы заң әрі оның қалтқысыз орындалуы.