Таразда зағип жанды тонаған күдіктіге қатысты қылмыстық іс қозғалды

Таразда зағип жанды тонаған күдікті ұсталды. Ол 58 жастағы қала тұрғынының қолындағы ұялы телефонын жұлып алып қашып кеткен.

Оқиға кеше түскі уақыттарда қала саябақтарының бірінде болған. Күдікті орындықта отырған адамның көзі көрмейтіндігін байқап, оның қолындағы ұялы телефонын тартып алған.

Полиция қызметкерлерінің жедел іздестіру жұмыстары нәтижесінде 22 жасар тұрғын ұсталды. Ол өз кінәсін толық мойындады, қылмыстық іс қозғалды.