Шығыс Қазақстан облысында көлік апатынан 3 адам жараланып, 1 адам қайтыс болды

Шығыстағы Шемонайха ауданында қылмыстық атқару жүйесі қызметкерлерлері мінген жеңіл көлік аударылып қалды. Апат салдарынан оқиға орнында 1 адам қайтыс болып, 3-і жарақат алған.

Олар аудандық ауруханаға жатқызылды. Екеуі басынан жарақат алып, миы шайқалған. Ал үшінші азаматтың аяқ-қолы мен кеуде сүйегі сынған. Дәрігерлер үшеуінің де жағдайын орташа ауыр деп бағалап отыр.

Жол апатына ұшыраған азаматтардың ОВ156/6 мекемесінің қызметкерлері екені анықталды. Оқыс оқиғаға қатысты тергеу, тексеру басталды.