Жаңалықтарды Telegram арнамыздан оқыңыз!Үкімет қаулысымен Батыс Қазақстанда «Бөкей ордасы» мемлекеттік резерваты мен «Ащыөзек» табиғи қаумалы құрылды. Ал киік саны еліміз бойынша 1 млн 300 мыңға жетті. Орал популяциясында 800 мың бас бөкен бар. Ресми санақ қорытындысын аймаққа жұмыс сапарымен келген Экология, геология және табиғи ресурстар вице-министрі Әлия Шалабекова мәлімдеді. Ол аудандарға барып, киіктерден зардап шегіп отырмыз деп шағымданған шаруалармен кездесті. Резерваттың ашылуы осы мәселені шешуге ықпал етпек. Табиғи аумақтың жалпы ауданы - 650 мың гектар. Штат бойынша 78 адам жұмыс істейді.
Әлия Шалабекова, ҚР Экология, геология және табиғи ресурстар вице-министрі:Ерекше қорғалатын табиғи аумақ 1 шілдеден бастап нақты іске кіріседі. Бұған республикалық бюджеттен 300 млн теңге қаржы бөлінеді. Басты мақсат - киікті қорғау, оның көші-қонын қадағалау. Аумақта шамамен 250 мыңдай киік болады. Резерватта аңшылық жасауға тыйым салынады. Ал ол жерден тыс аумақта киікті аулаумен басқа бір мекеме шұғылданады. Ол жағын әлі ойластырып жатырмыз.
Ардақ Мұратқызы
