Жаңалықтарды Telegram арнамыздан оқыңыз!
Былтыр Риддерде болған алапат өрттің тұтануына кінәлі деп танылған тұрғынға қатысты сот үкімі шықты. Сол кезде 35 жастағы азамат күдікті ретінде танылып, қылмыстық іс бір жыл бойы тергелді. Ақыры судьялар айыпты азаматтың отбасылық жағдайын және қасқана өртемегенін ескеріп оны 2 жыл 6 айға бас бостандығынан айырды. Естеріңізге сала кетейік, өрттің салдарынан 2 адам көз жұмып, 31 үй мен 100-ден аса гектар алқаптағы қылқан жапырақты орман күлге айналды. Өрт толық сөнгенше Риддер қаласы аумағында төтенше жағдай жарияланып, шығын көлемі 250 миллион теңгеден асты.
