Мырзатай Жолдасбековтың 85 жылдығына орай «Кісілік келбеті» атты ғылыми-конференция өтті

Мемлекет және қоғам қайраткері Мырзатай Жолдасбековтың 85 жасқа толған мерейтойына орай елордада Халықаралық Түркі академиясының ұйымдастыруымен «Кісілік келбеті» атты ғылыми-конференция өтті. Жиында түркологияға түрен салған тұлғаның биік болмысы, ұлт руханиятына сіңірген еңбегі айтылды. Сонымен қатар жиында «Күлтегін ескерткіші мәтіндерінің 14 тілдегі ғылыми аудармалар жинағының» таныстырылымы өтті. Ғылыми конференцияға мемлекет және қоғам қайраткерлері, бауырлас елдердің Қазақстандағы елшілері қатысты.