АҚШ-та бір тұрғыннан маймыл шешек ауруы анықталды

АҚШ-тың Массачусетс штатында бір тұрғыннан маймыл шешек ауруы анықталды. Инфекция Канададан келген ер адамнан табылған. Дәрігерлер онымен байланыста болғандарды тексеріп жатыр. Соңғы екі аптада аталған вирус Португалия, Чили, Испания, Ұлыбритания, Франция тәрізді бірқатар елде табылды. Маймыл шешек ауруы негізінен Батыс және Орталық Африкада кездеседі. Оның симптомдарына қалтырау, бас ауруы, бөртпе кіреді. Денсаулық сақтау мамандарының сөзінше, вирустың одан әрі тарау қаупі аз.