Жаңалықтарды Telegram арнамыздан оқыңыз!«Өндірушілердің кеңейтілген міндеттемелері операторы» шотына салынған шектеулер алынды.
Бұл туралы Қазақстанның бас прокуроры Берік Асылов желідегі парақшасында жазды.
«Сыбайлас жемқорлыққа қарсы қызметпен бірлесіп қабылданған шаралардың арқасында «Оператор РОП» Жауапкершілігі шектеулі серіктестігінің 198 миллиард теңгесi бар шотынан бұрын салынған шектеулер алынды. Үкімет одан 100 миллиардты жеңілдетілген автонесие алуға, қалған қаржыны басқа әлеуметтік жобаларға жолдады», - деп жазды Берік Асылов.
11 қаңтарда Президент Үкіметке «Оператор РОП» ұйымының утиль алым жинауына тыйым салуын тапсырған еді. Бұдан былай кәдеге жарату алымын жинап, оны үйлестіру «Жасыл даму» акционерлік қоғамының құзырында болады.
