Талдықорғанда өз жұмысшысын көлікпен соғып, таяқпен ұрған азамат ұсталды

Талдықорғандық азамат өз жұмысшысын көлікпен қаққан. Оқиға Ақсу ауданында болған. 2 мамыр күні 44 жастағы азамат ауыр жарақатпен ауруханаға түседі. Зардап шеккен тұрғын Матай станциясына жақын жердегі шаруа қожалығында малшы болып жұмыс істеген. Даудың басы қожайын келгенде басталған. Екі азамат сөзге келіспей соңы ұрысқа ұласқан. Жұмысшы отбасымен, қожалықтан кететін айтқан. Бұған келіспеген ферма иесі жұмысшысын көлікпен соғып, ол аз болғандай таяқпен соққыға жыққан. Қазір зардап шегуші өте ауыр дене жарақатымен ауруханада жатыр. Ал күдікті ұсталды. Оның алкогольді ішімдік ішкені белгілі болды. Қазір осы іске қатысты тергеп-тексеру жұмыстары жүргізілуде.