Долларға сұраныс азайып, теңге тұрақталып келеді

Елімізде долларға сұраныс айтарлықтай азайған. Өткен айда қор биржасындағы сауда көлемі 179 миллионнан 92 миллион долларға дейін азайған. Яғни көрсеткіш екі есе төмендеп отыр. Әрі Сәуірде Ұлттық банк теңгені тұрақтандырып, құлдыратпай ұстап тұру үшін ешқандай интервенция жүргізбеген. Соған қарамастан валютамыз 5 пайызға нығайды. Десе де теңгенің алдағы күндері қалай құбылатыны геосаяси ахуалға байланысты дейді Ұлттық банк өкілдері. Ал бүгінгі бағам мынадай. Доллар 441 теңге 60 тиын. Еуро 472, рубль - 6 теңге 25 тиын.