Жаңалықтарды Telegram арнамыздан оқыңыз!Өскеменде 4 жасар бала шелекке кептеліп қалып, қайта шыға алмай қалды. Қараусыз қалған бала 40 литрлік ыдысқа түсіп кеткен. Бүлдіршінді әпкесі құтқармақ болғанымен, одан еш нәтиже шықпаған соң, 112-ге қоңырау шалып көмек сұрайды. Құтқару қызметінің мамандары арнайы құрал арқылы ыдысты кесіп, баланы алып шықты. Денсаулығына еш зақым келген жоқ. Тек шошып қалғаны байқалады. Төтенше жағдай қызметкерлері жалпы мұндай жағдай жиі болатынын айтады. Сондықтан кішкентай балаларды қараусыз қалдырмауды ескертеді.
