Қазақстандықтардың зейнет жинағы 606 млрд теңгеге азайды

Наурызда қазақстандықтардың зейнет жинағы 606 млрд теңгеге азайды. Бұл туралы Ұлттық банк мәлімдеді. Қазір салымшылардың зейнетақы жинақтарында 13 трлн теңгесі бар. Ал наурызда enpf-otbasy.kz платформасына 870 мың өтініш түскен. Бұл осы жылдағы ең жоғарғы көрсеткіш. Арнайы шотқа түскен ақшаны тұрғын үйге жұмсауға 20 жұмыс күні беріледі. Яғни, наурыздың соңында түскен ақшаны 30 сәуірге дейін жарату керек. Ал қаражат емделу үшін сұралса, онда пайдалану мақсатын растауға 45 жұмыс күні беріледі. 

Берік Көшербай