Жаңалықтарды Telegram арнамыздан оқыңыз!Атырау облысындағы Мақат ауданында орналасқан Бержан Қанатбаев атындағы орта мектеп 7 млн теңге тұратын кабинетті 1 млрд теңгеге сатып алмақ болды. Заңсыздықты Сыбайлас жемқорлыққа қарсы іс-қимыл департаменті Мемлекеттік сатып алу порталына жүргізген мониторинг кезінде анықтады. Білім ордасы қыздарға арналған технология кабинетін 1 миллиард теңгеге сатып алуды жоспарлаған. Оқу кабинеттерінің негізгі бағасы - 3,5 млн мен 7 млн теңге аралығында. Мемлекеттік сатып алуды ұйымдастырушының атына жолданған ұсыныс хаттың нәтижесінде сома 12 млн теңгеге өзгертілді. Осылайша, бюджет қаражатының 1 млрд теңгесі үнемделді.
