Қарағанды облысында қарттар үйінің меңгерушісі ұсталды

Қаржы жымқырды. Қарағанды облысында қарттар үйі тұрғындарының зейнетақы төлемдері мен жәрдемақыларын ұрлау фактісі бойынша қылмыстық іс тергеліп жатыр. Қылмысты жасады деген күдікпен Қарағанды облысындағы мекеме меңгерушісі және әлеуметтік қызметкері ұсталып, уақытша ұстау изоляторына қамалды. Қаржылық мониторинг агенттігінің хабарлауынша, әлеуметтік нысанда 90 адам қамқорлықта, оның 30-ы - мүгедек, 60-ы - зейнеткер.

Әлібек Абдилов, ҚР Қаржылық мониторинг агенттігі баспасөз қызметінің өкілі:

Қарағанды облысының соты қарттар үйінің басшысына қатысты екі ай мерзімге қамауға алу түріндегі бұлтартпау шарасын санкциялады. Тергеу жалғасуда. Тергеу мүддесіне қатысты басқа мәліметтер жария етілмейді.