Жаңалықтарды Telegram арнамыздан оқыңыз!Мемлекет меншігіне тағы бірнеше кәсіпорын қайтарылады. Үкімет республикалық меншіктің кейбір мәселелері туралы қаулы қабылдады. Солардың бірі - «Көліктік сервис орталығы». Оның акциялар пакетінің 100 пайызы сыйға тарту шарты бойынша республика меншігіне өтеді. Сервистік орталық Қазақстандағы 400-ден астам теміржол кірме жолдарының басын біріктірген мекеме. Сондай-ақ сыйға тарту шарты бойынша ақпараттық-коммуникациялық салада қызмет көрсететін «Soft Art» компаниясының 50% пайыз акциясы республикалық меншікке беріледі. Әрі тау-кен және өңдеу өнеркәсібі салаларында жұмыс істейтін бірнеше серіктестіктер ел меншігіне өтті. Қаулы қол қойылған күннен бастап күшіне енгізілмек.
Раушан Сайлауқызы
