Ақтөбе облысында үш елдімекенге қатынас жоқ

Ақтөбе облысындағы су тасқынынан зардап шеккен үш ауылға бір аптадан бері қатынас жоқ. Бұл шағын елді мекендерде 700-ге жуық тұрғын бар.

Жарық, Қоғалы және Көкүй ауылдары Қобда ауданында орналасқан. Жол қатынасы тек Үлкен қобда өзеніндегі су деңгейі қайтқаннан кейін ғана қалпына келеді. Аудан әкімдігінің хабарлауынша, елді мекендерде азық-түлік пен дәрі-дәрмек жеткілікті. Су жағасына кезекшілік ұйымдастырылған. Тұрғындарға қажетті заттар қайықпен жеткізіліп жатыр. (( ))

Әлішер Сарыбаев, ТЖД басқармасының бас маманы:

Қобда өзенінің көтерілуіне байланысты автокөлік жолдарының үстінен ағын судың өту фактілері тіркелді. Қазіргі таңда Қобда өзенінде су деңгейі төмендеуде. Қауіп жоқ. Жақын күндері автокөлік түрлеріне жол ашылады.

Жақсыбек Кемал