Батыс Қазақстан облысы: Чинарев ауылының тұрғындары үйлеріне орала бастады

Бүгін түнде Батыс Қазақстан облысындағы Бәйтерек ауданы Чинарев ауылының тұрғындары түнде шұғыл түрде көшірілді. Себебі өңірмен шектесетін Ресейдің Орынбор облысы Пустобаево ауылында-- бөгетті су шайып кеткен.

Су басу қаупі төнгендіктен, Чинаревтағы 20 адам Январцев ауылындағы мәдениет үйіне көшірілді. Қалғандары туған-туыстарының үйіне орналастырылды. Дәл қазір ауылдықтар үйлеріне орала бастаған. Өйткені үйлерді су басқан жоқ. Мал шығыны да жоқ. Ауылда негізінен 150-дей адам тұрады.

Еске салайық көрші елдегі су қоймасында 8 млн текше метр су бар. Бөгеттің бұзылған аумағының ені 7-8 метр. Су Елтышевка өзені бойымен Чинарев ауылы тұсынан өтіп, Жайыққа келіп құяды.

Нұрлыбек Мусиев, облыстық төтенше жағдайлар департаментінің басқарма бастығы:

Су басу қаупі туындаған болатын. Тез арада алдын алу шаралары ұйымдастырылып, 1200-ден астам қапшық орнатылып, топырақты үйіп, уақытша қорғаныс бөгеттерін құру жұмыстары жүргізілді. Қауіп сейілді және су басу фактілеріне жол берілген жоқ. 

Ардақ Мұратқызы