Басты Жаңалықтар Батыс Қазақстан облысында ауыл тұрғындары көшіріліп жатыр

Батыс Қазақстан облысында ауыл тұрғындары көшіріліп жатыр

13.04.2022 10:00

Бүгін түнде Батыс Қазақстан облысындағы Бәйтерек ауданы Чинарев ауылының тұрғындары шұғыл түрде көшірілді. Себебі өңірмен шектесетін Ресейдің Орынбор облысы Пустобаево ауылында бөгетті су шайып кеткен. Су басу қаупі төнгендіктен, Чинаревтағы 20 адам Январцево ауылындағы мәдениет үйіне көшірілді. Қалғандары туған-туыстарының үйіне орналасты. Дәл қазіргі уақытта тек 4 адам қалды. Ауылда негізінен 150-дей адам тұрады. Көрші елдегі су қоймасында 8 млн текше метр су бар. Бөгеттің бұзылған аумағының ені - 7-8 метр. Су Елтышевка өзені бойымен Чинарев ауылы тұсынан өтіп, Жайыққа келіп құяды. Елдімекенге Оралдан құтқарушылар мен қажет техника, құрал-жабықтар жеткізілді. Қазір тасқынның алдын алу жұмыстары жүргізіліп жатыр.

Ардақ Мұратқызы

Бөлісу