Қарағанды облысында жүк пойызы әйел адамды қағып кетті

Ол алған жарақатынан сол жерде жан тапсырған. «Қарабас - Топар» теміржол өткелінде болған қайғылы оқиға жергілікті желілік полиция бөлімінде тіркелген. Қазіргі уақытта іс бойынша тиісті тергеу амалдары жүргізіліп жатыр. Ведомство тергеу аяқталғанша өзге ақпаратты жария етуге болмайтынын хабарлады.

Еске салсақ, өткен аптада дәл осындай қайғылы оқиға Балқаш қаласында болған еді.

Ләззат Қасымжанова, ҚР ІІМ көліктегі полиция департаментінің ресми өкілі:
Аталған факт Қарағанды - Сұрыптау станциясындағы желілік полиция бөлімінің сотқа дейінгі тергеп-тексерудің бірыңғай тізімінде ҚР Қылмыстық кодексінің 344-бабы 2-бөлігі, яғни «Абайсызда адам өліміне әкеп соққан теміржол көлігі қозғалысының қауіпсіздік қағидаларын бұзу» бабы бойынша тіркелді. Қазіргі күнде тергеу амалдары жүргізіліп жатыр.

Руслан Нұрланұлы