Жас мамандарға қаржылай қолдау көрсетілуі мүмкін

Өзге саладағы жас мамандар да әскерилер секілді көтерме қаржыға ие болуы мүмкін. Еңбек және халықты әлеуметтік қорғау министрлігінің хабарлауынша қазір осындай бастама қолға алынып, арнайы жұмыс тобы заңға түзетулер енгізу мәселесін қарастырыл жатыр. Құжат қабылданып, еңбек кодексіне осындай түзетулер енгізілсе, диплом алып, жұмысқа тұрған жас мамандарға пәтер жалдау үшін қаржылай көмек көрсетіледі. Әрине ол үшін жұмыс берушінің де келісімі болуы тиіс. Айта кетейін, бұл енді ғана қолға алынған бастама. Оны талқылап, қабылдау үшін біраз уақыт қажет.