Саяси науқан: Ертең Қарағанды облысында әкімдер сайлауы өтеді

Ертең Қарағанды облысында әкімдер сайлауы өтеді. Науқан тек ауылдар мен кенттерде ғана жүргізілмейді. Халық дауыс беру арқылы Абай қаласының әкімін сайлайды. Аумақтық сайлау комиссиясының хабарлауынша, Абай әкімінің лауазымына төрт кандидат тіркелген. Үміткерлердің арасында әйел азамат та бар. Сондай-ақ ертең облысқа қарасты тағы 10 өңірде әкім сайланбақ. Президент Қасым-Жомарт Тоқаевтың «Қазақстан Жаңа нақты ахуалда: іс-қимыл уақыты» атты Жолдауында 2021 жылдан бастап ауыл әкімдерінің тікелей сайлауын өткізу туралы тапсырма берілген болатын.Саяси шара – ауыл тұрғындарының мүддесі үшін жасалуы тиіс деді Президент. Шілдеден бері елдімекендер өз әкімдерін сайлай бастады. 

Раушан Сайлауқызы