1300-ден аса жүк контейнері Қазақстанға кіре алмай, Қытаймен шекарада қаңтарылып тұр

1300-ден аса жүк контейнері Қазақстанға кіре алмай, Қытаймен шекарада қаңтарылып тұр. Оның ішінде түрлі құрал-жабдықтар, шикізат, машина құрастыруға қажет материалдар бар. Қазақстан темір жолы жүкті елге тез арада жеткізу туралы Қытай тарапына хат жолдаған. Елдегі кәсіпкерлер былтырдан бері жүк көліктерін шекарадан өткізе алмай, өтініш айтып келеді. Иә, былтыр Қытай жазғы маусымда өсімдік майы секілді сұйық тауарды тасымалдауға шектеу қойған. Алайда қазір шекарадан құрғақ шикізаттың өзін жеткізу мұң дейді Май және тоң май одағының өкілдері. Олар былтыр Украина, Ресей порттары арқылы тасымалдаған еді. Геосаяси жағдайға байланысты қазір ол да мүмкін емес.