ШҚО-ның Қопа ауылында белгісіз індеттен мал қырылып жатыр

Шығыстағы Аягөз ауданының Қопа ауылында белгісіз індеттен мал қырылып жатыр. Ауыл тұрғындарының айтуынша жас төл туған соң екі-үш күннен кейін аузынан су ағып, орнынан тұрмай қалады. Бүгінге дейін қанша мал індетке шалдығып өлгені туралы нақты мәлімет жоқ. Қопа ауылындағы мал шығынын облыстық ветеринария басқармасы растап отыр. Бүгін ауылға келген аудандық инспекцияның өкілдері өлекседен сынама алып, облыстағы орталық зертханаға тексеруге жібереді.

Ертай Батхолдин, Облыстық ауыл шаруашылығы басқармасының бөлім басшысы:

Қазір зерттеу жұмыстары жасалып жатыр. Өлген малдардан потологиялық материалдар алынады. Оларды зертханаларға жіберіледі. Солардың қортындысы бойынша тиісті талдау жұмыстары жасалады -Әрбір өлген жас төлдер жеке-жеке тексеріледі. Жеке сынамалар алынады. Сондықтан оларға жеке хаттама толтырылады. Сондықтан оның қорытындыларын жалпы бірақ хабарлаймыз сіздерге.