Ақмола облысында спорттық жарыс кезінде мұғалім қайтыс болды

Ақмола облысында спорттық жарыс кезінде мұғалім көз жұмды. Ол Мамай ауылының орта мектебінде директордың тәрбие ісі жөніндегі орынбасары болып жұмыс істеген. Қайғылы жағдай білім беру саласы қызметкерлері арасындағы спартакиада кезінде болды.

43 жастағы ұстаз волейбол ойнап жатқанда өзін жайсыз сезінеді. Алаңнан кеткен соң, есінен айырылып қалған. Алғашқы медициналық көмек көрсетіліп, жедел жәрдем шақыртылғанымен мұғалімді аман алып қалу мүмкін болмады. Оның спорттық сайыстарға қатысуға медициналық рұқсат қағазы болған. Денсаулығына байланысты еш жерде есепте тұрмаған.

Ермек Елберген