Бүгін теңге долларға шаққанда бірден үш жарым теңгеге арзандады

Теңге тағы әлсірей түсті. Бүгін ұлттық ақшамыз долларға шаққанда бірден үш жарым теңгеге арзандады. Қор биржасындағы саудаға сай, бір доллар 437, еуро 496, рубль - 5 теңге 40 тиын.

Валюта нарығындағы тұрақсыздыққа әлемдегі геосаяси ахуалдың ушығуы себеп екені түснікті. Кеше Ұлттық банк теңгенің әлсіреуіне жол бермеу үшін 33 миллион долларға интервенция жасаған еді. Ал кеше баррелі 99 доллардан асқан мұнай бағасы бүгін қайта түсе бастады. Қазір қара алтын 93 доллардан сатылып жатыр.