Қазақстан Иран нарығына 162 млн доллардың тауарын жеткізуге дайын

Қазақстандық компаниялар Иран нарығына 162 млн доллардың тауарын жеткізуге дайын. Оның ішінде металлургия саласы, тамақ, машина жасау, фармацевтика және құрылыс материалдары бар. Бұл туралы қазақстандық бизнестің Иранға сауда-экономикалық миссиясы барысында айтылды. Сауда және интеграция министрі Қазақстан – Түрікменстан – Иран темір жолы пайдалануға берілгеннен кейін өнім экспортының көлемі 5 есе өскенін жеткізді. Ауыстырып тиеу мүмкіндігі шамамен 10 млн тонна жүк. Осы бағыт арқылы Қазақстанның Парсы шығанағындағы барлық мемлекеттерге шығу мүмкіндігі бар, дейді.