Қаңтар оқиғасы: 20 денсаулық сақтау нысанына шабуыл жасалды

Қаңтар оқиғасы кезінде 20 денсаулық сақтау нысанына шабуыл жасалды. 7 медицина қызметкері зардап шекті. 46 жедел жәрдем көлігі не зақым келген. Бұл туралы Денсаулық сақтау министрлігінің өкілдері айтты. Өкінішке орай, 177 адам емдеу орнында көз жұмды. Сондай-ақ үш өңірде кәмелетке толмаған балалар зардап шеккен. Алматыда 2 бала оқ тиіп қаза тапты. 7 бала түрлі жарақатпен аурухана түсті. Алматы облысында бір жүкті әйел ауаға шашылған газдан зардап шекті.

Бауыржан Байсеркин, ҚР ДСМ дәрілік саясат департаментінің директоры: 
Төтенше жағдай кезеңінде медициналық ұйымдарға 2 740 зардап шеккен адам көмек алуға жүгінді. Олардың ішінде 1 843 адам амбулаторлық көмек алып, 897 адам ауруханаға жатқызылды. Оның ішінде 188 адам реанимациялық бөлімшеде болды. Бүгінде 891 пациент жазылып шықты.

Раушан Сайлауқызы