Депутат Азамат Әбілдаев: Субсидия талан-таражға түсіп жатыр

Сондай-ақ Мәжілісте шаруаларға бөлінген субсидияның талан-таражға түсіп жатқаны айтылды. Депутат Азамат Әбілдаевтың айтуынша соңғы 5 жылда ауыл шаруашылығын дамытуға 2 триллион теңгеден астам қаражат бөлінген. Бірақ салада ауыз толтырып айтар өзгеріс жоқ дейді. Оның үстіне субсидия түпкі иесіне жетпей, орта жолда талан-таражға түседі дейді ол. Оның үстіне банктер мемлекеттен 1-2 пайызбен миллиардтар алып, оны шаруаларға 17 пайызбен несие қылып беріп, соны субсидия деп атайтынын айтып отыр. Ауыл шаруашылығы экономиканың драйвері деген депутат саланы қатаң бақылауға алып, субсидияны арттыру қажет дейді.