Павлодар облысында қарға батып қалған жолаушылар көлігі құтқарылды

Павлодар облысында қарға батып қалған жолаушылар көлігі құтқарылды. Алдыңғы тәулікте Ақтоғай аудандық өрт сөндіру бөліміне жеңіл көлік жүргізушісі хабарласқан. Оқиға орнына жедел түрде үш құтқарушы барып, көлікті қалың қардан шығарып алды. Еліміздің бірқатар өңірінде ауа райы құбылып тұр.

Бүгін елорда мен Қарағанды облыстарындағы бастауыш сынып оқушылары ауа райының қолайсыздығына байланысты сабаққа барған жоқ. Ақ бұрқақтың соңы  аязға ұласады дейді «Қазгидромет»  өкілдері. Солтүстік аймақтарда бүгін, ертең 23 градусқа дейін аяз болуы мүмкін. Кей аймақтарда -27 градусқа дейін жетеді. Ал еліміздің оңтүстік-шығысында аяз түсіп, ауа температурасы 25 градусқа дейін төмендесе, шығыс аймақта -30-ға жетуі ықтимал.