Депутат Дана Нұржігіт букмекерлік кеңселерді жарнамалауға тыйым салуды ұсынды

Букмекерлік кеңселерді жарнамалауға тыйым салу қажет. Парламент Сенатының депутаты Дана Нұржігіт ойын бизнесі туралы заңнаманы жетілдіру бойынша бірқатар шараларды ұсынды. Сенатордың сөзінше құмар ойындарына қатысты депутаттарға халық тарапынан өтініштер көп түскен. Елімізде құмар ойыншылардың саны 350 мыңнан асады, ал бір ойыншының орташа қарызы шамамаен 10 млн теңге. Депутат күрделеніп бара жатқан бұл мәселеге ерекше назар аудару қажеттігін айтты. Қолданыстағы заңға сәйкес казино мен интернет-казино қызметтерін жарнамалауға тыйым салынады. Бірақ букмекерлік кеңселердің қызметтерін жарнамалауға тікелей тыйым жоқ.