Зейнетақы қорының активі 152 млрд теңгеге өскен

Былтырдан бері халық зейнетақы жинағындағы артық ақшасын мерзімінен бұрын алғанымен, қордың активі 152 млрд теңгеге өскен. Ұлттық банк төрағасы Ғалымжан Пірматов қазір зейнетақы активтері 13 трлн теңгеге жеткенін айтты. Елде 781 мыңнан аса азаматтың өтініші қабылданып, олар мерзімінен бұрын 2,6 трлн теңгені пайдаланды. Ал алған ақшасын уақытында жұмсап үлгермеген адамдардың 354 млрд теңгесі қорға қайтарылған. Ұлттық банк биыл да зейнетақы қорының кірісін арттыруды жалғастырады.