Ақтөбеде азық-түлік бағасы 1,1 пайызға өскен

Ақтөбе облысында азық-түлік бағасы 1,1 пайызға өскен. Әсіресе көкөніс бағасы құбылып тұр. Мәселен, картоп өткен желтоқсан айымен салыстырғанда 15 пайызға, қырыққабат пен сәбіз 2,7 пайызға қымбаттаған. Дегенмен жергілікті билік жағдай бақылауда дейді.

Бір ай бұрын азық-түлік бағасын тұрақты ұстау үшін қосымша 1 миллиард теңге бөлінген. Ол қаржыға тұрақтандыру қорына қосымша өнімдер сатып алынды. Қазір қорда 2 700 тонна картоп, 520 тонна сәбіз бен 300 тоннадай пияз бар. Келіссөздердің нәтижесінде жергілікті тауар өндірушілер әлеуметтік маңыздағы азық-түлік өнімдеріне тек 5 пайыздық үстеме қосып сатып жатыр.