Жаңалықтарды Telegram арнамыздан оқыңыз!«Қазақстан халқына» қоры тағы 16 миллиард теңгемен толықты. Қаңтардың 29-ы мен 31 аралығында бес компания мен бір адамнан осынша ақша түскен. Жалпы қорға қаржы жинау 16 қаңтардан бері жүріп жатыр. Осы уақытқа дейін барлығы 109 миллиард 800 миллион теңге жиналған. Қор басшылығы бұған дейін қаржының қайда қалай жұмсалып жатқаны жайында есеп болатынын айтқан. Ақша негізінен ел игілігіне: денсаулық, әлеуметтік сала, білім, мәдениет және спорт проблемаларын шешуге бағытталады.
Сондай-ақ ауру балаларды емдеуге, халықтың әлеуметтік осал топтарына, қаза тапқан әскери және құқық қорғау органдары қызметкерлерінің отбасыларына жұмсалмақ.
