Алматыда жүк көлігі жол ортасында аударылып кетті

Алматыда жолдың қақ ортасында жүйіткіп бара жатқан жүк көлігі аударылып кетті. Оқыс жағдай көлік жүргізушілерінің бейне тіркеуішіне түсіп қалған. Қалалық полиция департаментінің хабарлауынша, жол-көлік апаты Әл-Фараби даңғылында болған. «Қазақфильм» киностудиясы жанынан өтіп бара жатқанда, жүк көлігінің алдымен артқы дөңгелектері шығып, артынша оң жағына қарай аударылып кеткен. Көлік жүргізушісі жарақат алған. Оған оқиға орнына келген жедел жәрдем қызметкерлері көмек көрсетті. Қазір жол-көлік апатының себептері анықталып жатыр.