Қазақстанда жанармай құюмен айналысатын 4 ірі компания тексеріліп жатыр

Қазақстанда жанармай құюмен айналысатын 4 бірдей ірі компанияның жұмысы тексеріліп жатыр. Олар «Гелиос», «Синойл», «ГазПромНефть-Қазақстан» және «ПетроРетейл» желілері. Жалпы дизель отыны нарығында жұмыс істейтін компанияларға қатысты 12 тексеріс жүргізілуде.

Бұл туралы Бәсекелестікті қорғау және дамыту агенттігінің төрағасы Серік Жұманғарин мәлімдеді. Оның сөзінше, қазіргі таңда нарыққа күнде мониторинг жасалып отыр. Бағаны көтеру деректері анықталса дереу ескерту жіберіледі.

Оны орындамағандарға әкімшілік жаза қолданылады.