Елде эпидемиологиялық ахуал қиындап кетті

Өткен тәулікте елімізде 11524 адам короновирус жұқтырды. Оның 4639-ы Елордада тіркелді. Індет күннен күнге өршіп барады. Қазір бірде бір өңір жасыл аймақ тізімінде қалмады.Түркістан облысы ғана сары статусқа ие. Қалған өңірлер түгел қызыл аймақта тұр. Осыған орай аймақтарда шектеу шаралары қайта күшейтіліп жатыр.

Ержан Байтанаев, ҚР ДСМ санитарлық-эпидемиологиялық бақылау комитетінің ресми өкілі: 
Бүгінгі күні елімізде жалпы коронавирус инфекциясының «омикрон» , «дельта», сонымен қатар уханьдік штамы да циркуляцияда жүр.Омикрон штамының бас белгілері – адамның басы қатты ауырады. Денесі сырқырайды, тамағы кішкене ісуі мүмкін. Мұрны бітеліп, иіс немесе дәм сезу процессі де жоғалуы мүмкін. Сонымен қатар, қатты шаршаушылық байқалады.

Берік Көшербай