Мұнайды терең өңдейтін бірегей комбинаттың алғашқы желісі іске қосылды

Түркістан облысында салынған мұнай химия комбинатының алғашқы желісі іске қосылып, сұйық отын шығара бастады. Ордабасы ауданында орналасқан кәсіпорын Евро-5 стандартына сай АИ-92 және 95 маркалы бензин, дизель отыны мен мазут өндіруде. Комбинат жылына 200 мың тоннаға дейін өнім шығаруға қауқарлы. «Бизнестің жол картасы-2020» бағдарламасы аясында инфрақұрылым желісі жүргізіліп, 3 шақырым жерде темір жол тартылды. Енді мұнайдан бензол, толуол және ксилол өнімдерін шығаруға дайындық жасалуда. Бірегей жобаның ерекшелігі – бұл өнімдер көмірден өндіріледі. Кәсіпорында 120 адам вахталық әдіспен еңбек етеді. Комбинатта өндірілген мұнай өнімдері әзірге ішкі нарықты қамтамасыз етуде.

Николай Логотов, комбинаттың техникалық директоры:

Өндірістік технологияның бірегейлігі комбинатта мұнайды терең өңдеудің ерекше технологиялары қолданылады. Өңдеу жүйесі кез-келген шикізатпен жұмыс істей береді. Мұнайдан және көмірден дайын өнім шығарамыз. Өнім тек ел көлеміндегі нарыққа ғана емес, ТМД елдеріне экспортталмақ.