Жаңалықтарды Telegram арнамыздан оқыңыз!Елімізде мыңға жуық кәсіпорын жұмысшыларына жалақы төлемеген. Мемлекеттік еңбек инспекторлары осындай дерек келтіріп отыр. Айтуларынша ел аумағындағы кәсіпорындарда тексеріс жүргізілген. Сөйтіп 954 мекеме 24 мыңнан астам жұмысшыға маңдай тер ақысын төлемегені анықталған. Оларға жұмыс берушілері бес жарым миллиард теңгеден астам ақша қарыз. Қазір еңбек құқығын сақтамаған кәсіпорындарға 133 миллион теңгеден астам айыппұл салынды. Әрі арнайы кесте жасалып, жалақы соған сай төлене бастады.
