Жамбылдағы жарылыста жоғалып кеткен әскери әлі іздестіріліп жатыр

Жамбыл облысының Байзақ ауданындағы жарылыста жоғалып кеткен әскериді іздеу жұмыстары тоқтаған жоқ. Қорғаныс министрінің орынбасары Дарын Тұяқов тергеу әлі жалғасып жатқанын айтты.

Оның пікірінше, сарбаздың денесінің түк қалмай шашылып қалуы екіталай. Ең құрығанда денесінің бір бөлшегі қалуы тиіс, деді вице-министр. Жамбыл облысындағы әскери қоймадағы жарылыстан кейін жоғалып кеткен сарбазды іздеуге 500-ден астам адам тартылған.