Қазақ тіліне арналған ЖИ моделі жасалып жатыр

Елімізде қазақ тіліне арналған жасанды интеллект моделі әзірленеді.

Жоба отандық және Қытай ғалымдарының бірлескен зерттеулері аясында жүзеге асырылып жатыр. Бұл туралы Әл Фараби атындағы ҚазҰУ-де өткен халықаралық симпозиумда айтылды. Жиынға екі елдің ғалымдары, оқытушылары, IT мамандары мен технологиялық компания өкілдері қатысты.Мамандардың айтуынша, жоба қазақ тіліндегі цифрлық технологияларды дамытуға және жасанды интеллект құралдарын ұлттық тілдің ерекшеліктеріне бейімдеуге мүмкіндік береді. Сонымен қатар тараптар студенттер мен мамандар алмасуын жолға қойып, бірлескен зерттеу орталықтарын ашуды жоспарлап отыр.

Осы сессия арқасында орталықтар аша аламыз. Онда студенттермен алмасу, мамандармен алмасу болады және үлкен ірі компаниялар спонсырлық көрсетеді. Ол да жобаларды қолдауға мүмкіндік береді.

Пэн Ван, Солтүстік – Батыс политехникалық университетінің профессоры (Қытай):

Қазірдің өзінде бірлескен жобалар қолға алынды. Соның бірі – қазақ тілінің жасанды интеллект моделін әзірлеу. Бұдан бөлек, қашықтан зондтау технологиялары арқылы климаттық мониторинг жүргізуге арналған модель жасалып жатыр.Бұл жобамен бір жылдан астам уақыт жұмыс істеп келеміз. Алдағы уақытта модельді одан әрі жетілдіре береміз.