Шығыс Қазақстан: Демалыс базасындағы өрттің шығу себебі анықталуда

Шығыс Қазақстан облысының Глубокое ауданында демалыс базасының аумағынан өрт шықты. Шаңғыны жалға беретін ғимарат отқа оранған. Өртті сөндіруге 16 маман мен 4 техника жұмылдырылған. Қызыл жалын лезде 140 шаршы метр аумақты шарпып үлгерген. Құтқарушылардың жылдам әрекетінің арқасында жалынның көршілес орналасқан нысандарға ойысуына жол берілмеді. Қазір өрттің шығу себебі анықталуда.