Израильде жасы 60-тан асқандарға вакцинаның төртінші дозасын салу жоспарланып отыр

Израильде әлемде алғаш рет жасы 60-тан асқан тұрғындарға «Pfizer» вакцинасының 4-ші дозасын салу жоспарланып отыр. Қосымша иммундау науқаны денсаулық сақтау саласының қызметкерлерін де қамтитын болды. Бұл елде сейсенбі күні «омикрон» штамынан бір адам қайтыс болғаннан мұндай шешім кейін қабылданып отыр. «Рейтердің» дерегінше, Израильде ковидтің жаңа түрі 340 адамнан анықталған. Індеттің тарауын тоқтату үшін Израиль өз азаматтарына АҚШ, Германия, Италия мен Канада елдеріне саяхаттауға тыйым салды.

Арай Төлегенқызы