Жаңалықтарды Telegram арнамыздан оқыңыз!Гаитиде отын тиеген танкер аударылып, 60-тан астам адам қаза тапты. Оқиға елдің солтүстігіндегі Кап-Аитьен қаласында болған. Цистерна аударылған кезде, жергілікті тұрғындар одан төгілген бензинді жинап алу үшін тұра ұмтылғанда, өрт тұтанып, жарылыс болды. Өрт сөндірушілер жалынмен бірнеше сағат бойы күрескен. Оқиға кезінде нақты неше адамның жараланғаны белгісіз. Бұған қоса, марқұмдардың саны әлі де өсуі мүмкін. Себебі жоғалып кеткендерді іздестіру операциясы жалғасып жатыр. Үкімет қайғылы оқиғаға байланысты үш күнді қаралы деп жариялады.
