Елімізде «Цифрлық ипотека» жобасы іске қосылды

Елде «Цифрлық ипотека» жобасы іске қосылды. Онлайн ипотека арқылы 400 адам үй алуға өтініш берген. Баспананы бірқатар екінші деңгейлі банктен онлайн сатып алуға мүмкіндік бар. Өтініш 5 минут ішінде қаралады. Цифрлық ипотеканы 10% алғашқы жарнамен рәсімдеуге болады. Жылдық мөлшерлемесі 12,5%-ке дейін. Пилоттық жобаны Әділет министрлігі «Азаматтарға арналған үкімет» корпорациясы және Цифрлық даму министрлігімен бірге іске асырды. Бұл халыққа банк бөлімшесіне бармай-ақ, тұрғын үй алуға тиімді.