Қазақстан пандемияның экономикаға тигізген кері әсерін еңсерді

Қазақстан пандемияның экономикаға тигізген кері әсерін сәтті еңсерді. Бұл туралы Үкімет басшысы Асқар Мамин Президент жанындағы Шетелдік инвесторлар кеңесінің аралық отырысында мәлімдеді. Соңғы 11 айда отандық экономикадағы ілгерілеушілік пандемияға дейінгі көрсеткіштерден де асып түсті. Бірінші жарты жылдықта шетелдік инвестиция көлемі 30 пайызға ұлғайды. Әсіресе, өңдеу өнеркәсібі, тамақтану, ақпарат және байланыс, құрылыс, сауда, ауыл шаруашылығы салаларына қаржы тарту белсенді жүргізілді.