Жаңалықтарды Telegram арнамыздан оқыңыз!
Ел аумағына Қырғызстаннан заңсыз жолмен 2 мыңнан астам смартфон жеткізбек болғандардың жолы кесілді. Жамбыл облысындағы «Аухатты» бекеті арқылы өткен көліктің ішінен планшет, смарт-сағат және басқа да электронды құрылғылар табылған. Контрабандалық тауардың жалпы құны 1 миллиард теңгеден асады. Тексеру барысында тауардың ілеспе құжаттары жок екені белгілі болды. Аталған фактіні Жамбыл облысының шекара қызметі, мемлекеттік кірістер және экономикалық тергеу департаменті бірлесіп әшкереледі.
