Елорданың теміржол вокзалында ер адам қайтыс болды

Елорданың теміржол вокзалында ер адам жоғары кернеулі электр қуаты соғып көз жұмды. Төтенше жағдай пойыз жүретін жолдардың аумағында орналасқан бейнекамераға түсіп қалған. Онда вагонның үстіне шыққан механиктің екі адымнан кейін тоққа ұрынып, бірден құлағаны байқалады.

Оқиға кеше күндізгі сағат 14:00 шамасында Нұр-Сұлтан - Жезқазған бағытында жүретін №107-пойыздың үстінде болды. Қазір көліктегі Полиция департаменті қайғылы оқиғаға орай тергеу амалдарын бастады. Оқыс жағдайға не себеп болғаны анықталып жатыр.